Qudratli xalqimizning jasorat, mardlik, fidoiylik, vatanparvarlik kabi ezgu fazilatlarini tarannum etuvchi, inson shaʼni, qadr-qimmati nechog‘li ulug‘vor ekanligini chuqur his etish imkonini beruvchi Xotira va qadrlash kuni yurtimiz bo‘ylab keng miqyosda nishonlanmoqda.

Joriy yilning 7 may sanasida ana shunday tadbirlardan biri Farmatsevtika tarmog‘ini rivojlantirish agentligi huzuridagi Dori vositalari, tibbiy buyumlar va tibbiy texnika ekspertizasi va standartlashtirish Davlat markazi majlislar zalida bo‘lib o‘tdi.

Tadbirda 9 may - Xotira va qadrlash kuni munosabati bilan O‘zbekiston farmatsevtikasi rivojida fidokorona, sidqidildan xizmat qilgan marhum ustozlar, hamkasblar va soha vakillari yodga olindi.

Farmatsevtika tarmog‘ini rivojlantirish
agentligi Matbuot xizmati