Farmasevtika tarmog‘ini rivojlantirish agentligining “Zarur amaliyotlar markazi” tomonidan 2023 yil davomida 139 ta GxP sertifikatlari rasmiylashtirilgan, 16 ta korxonalarga sertifikat berish rad etildi.

Farmasevtika tarmog‘ini rivojlantirish agentligining Zarur GxP talablarini joriy etish yo‘nalishida 2023 yil davomida “Zarur ishlab chiqarish amaliyoti – GMP” talablariga muvofiqlik yuzasidan inspeksiyalar o‘tkazish uchun 95 ta horijiy dori vositalarini ishlab chiqaruvchi hamda 62 ta mahalliy dori vositalarini ishlab chiqaruvchi korxonalar bilan shartnomalar tuzildi.
Zarur ishlab chiqarish amaliyoti – GMP talablariga muvofiqlik yuzasidan jami 144ta inspeksiyalar amalga oshirilgan. Ulardan:
- Mahalliy korxonalarda farmasevtik inspeksiya - 19 ta
- Mahalliy korxonalarda inspeksiya nazorati - 35 ta
- Mahalliy korxonalarda qayta inspeksiya – 44 ta
- Xorijiy korxonalarda farmasevtik inspeksiya - 35 ta
- Xorijiy korxonalarda qayta inspeksiyalar - 11 ta
Zarur distribusiya amaliyoti – GDP talablariga muvofiqlik yuzasidan jami 318 ta inspeksiya amalga oshirilgan. Ulardan:
- Farmasevtik inspeksiya - 153 ta
- Inspeksiya nazorati – 29 ta
- Qayta inspeksiya - 136 ta
Zarur dorixona amaliyoti – GPP talablariga muvofiqlik yuzasidan jami 4 ta farmasevtik inspeksiya amalga oshirilgan.
Zarur saqlash amaliyoti – GSP talablariga muvofiqlik yuzasidan jami 1 ta farmasevtik inspeksiya amalga oshirilgan.
Zarur distribusiya amaliyoti – GDP talablariga muvofiqlik yuzasidan baholash inspeksiyasi - 2 ta
Zarur amaliyotlar markazi tomonidan umumiy 139 ta GxP sertifikatlari rasmiylashtirilgan bo‘lib, bulardan:
“Zarur ishlab chiqarish amaliyoti – GMP” - 12 ta mahalliy;
“Zarur ishlab chiqarish amaliyoti – GMP” - 11 ta xorijiy;
“Zarur distribyutorlik amaliyoti – GDP” - 115 ta mahalliy.
“Zarur saqlash amaliyoti – GSP” - 1 ta mahalliy.

Shu bilan birga, 11 ta dori vositasi ishlab chiqaruvchi korxonalarga jami 75 ta (farmasevtika mahsulotiga sertifikat - CPP) sertifikatlari rasmiylashtirildi.
“Zarur amaliyotlar markazi” tomonidan 2023 yil davomida o‘tkazilgan farmasevtik inspeksiyalar mobaynida korxonalarda sifat menedjmenti tizimi to‘liq yo‘lga qo‘yilmaganligi, korxona ishchi holatda emasligi, validatsiya ishlari amalga oshirilmaganligi, yetarli xodimlar bilan ta’minlamaganligi va farmasevtik inspeksiya davrida aniqlangan nomuvofiqliklar belgilangan muddatlarda to‘liq bartaraf etilmaganligi sababli hamda dori vositalari inson salomatligi bilan bevosita bog‘liqligi, “Zarur amaliyotlar – GxP” talablariga muvofiqlik, farmasevtika sohasida faoliyat olib borish ruxsatini beruvchi lisenziya olish uchun asosiy talablardan biri ekanligini inobatga olgan xolda jami 16 ta korxonaga GxP sertifikatini berish rad etildi.
Shulardan:
“Zarur ishlab chiqarish amaliyoti – GMP” - 4 ta mahalliy;
“Zarur ishlab chiqarish amaliyoti – GMP” - 2 ta xorijiy;
“Zarur distribyutorlik amaliyoti – GDP” - 10 ta mahalliy.

Zarur amaliyotlar markazi tomonidan 2 ta ishlab chiqaruvchi korxonaga berilgan GMP sertifikat amal qilish muddati to‘xtatildi. Hozirda sertifikatlashtirish rad etilgan korxonalarda mavjud muammolar yuzasidan metodik yordam bergan holda ishlar olib borilmoqda.