Joriy yilning 4-6 oktyabr kunlari Farmatsevtika tarmog‘ini rivojlantirish agentligi huzuridagi “Zarur amaliyotlar Markazi” DUK direktori A.Do‘smatov va Markaz inspektori X.Anvarovdan iborat inspektorlar guruhi Tailand qirolligida joylashgan “Mega liefesciences” farmatsevtik ishlab chiqarish korxonasida sertifikatlashtirish auditini o‘tkazdilar. Korxonaning ishlab chiqarish sharoitlari sifat tizimining “Zarur ishlab chiqarish amaliyoti-GMP” standarti talablariga mosligi bo‘yicha tekshiruv o‘tkazildi.

Aytish lozimki, korxona ikki turdagi dori shakllari - tabletkalar va yumshoq kapsulalar ishlab chiqarishga ixtisoslashgan bo‘lib, mahsulotlari dunyoning 29 mamlakatida ro‘yxatdan o‘tkazilgan. Bugungi kunda korxonada 4000 dan ortiq ishchilar mexnat qilmoqda. Korxonaning nafaqat Tailand Qirolligida, balki Indoneziya va Avstraliya mamlakatlarida xam ishlab chiqarish maydonlari mavjud bo‘lib, umumiy mahsulot aylanmasi dunyo bo‘yicha 438 mln AQSH dollarni tashkil qiladi.

Farmatsevtika tarmog‘ini rivojlantirish
agentligi Matbuot xizmati